කලු ජූලිය සමරන්න උතුරට ස්විට්සර්ලන්තයෙන් අධාර

උතුරේ ඇතැම් කණ්ඩායම් විසින් සංවිධාන කරන කලූ ජූලිය සැමරුම් සඳහා ස්විස්ටර්ලන්තයේ සිටින සංවිධාන කිහිපයක්ද ආධාර ලබාදෙන බව නෙත් නිවුස් වෙත වාර්තා වුණා. ඒ අනුව ලබන 23 වනදා මෙම සැමරුම් සිදු කිරීමටයි සැලසුම් කර තිබෙන්නේ. කලූ ජූලිය සැමරීම සඳහා එක්වන ලෙස ආරාධනා කරමින් දැන් දින කිහිපයක සිට උතුරු පළාතේ අත් පත‍්‍රිකා ද බෙදා හැරෙමින් තිබෙනවා. ඇතැම් ස්ථානවල පෝස්ටර් ද අලවා ඇති බවයි නෙත් නිවුස් වාර්තාකරුවන් පැවසුවේ.

මේ අතර ඉකුත් මැයි මස 18 වනදා යුද්ධයෙන් මියගිය දෙමළ වැසියන් සමරමින් උතුරේ කෙරුණු ක‍්‍රියාකාරකම් සඳහා ද ස්විස්ටර්ලන්ත සංවිධාන ආධාර ලබාදී ඇතැයි නෙත් නිවුස් වෙත තොරතුරු ලැබුණා. රුපියල් ලක්ෂ 15කට ආසන්න මුදලක් ඔවුන් එලෙස ආධාර ලෙස ලබාදී ඇති බවයි පැවසෙන්නේ. නොවැම්බර් මස පැවැත්වෙන මහවිරු සතිය සඳහා ද මෙම ස්විස්ටර්ලන්ත සංවිධාන ආධාර ලබාදීමට ඉදිරිපත් වී ඇතැයි නෙත් නිවුස් වෙත වැඩිදුරටත් වාර්තා වුණා.