චන්ද්‍රිකාගේ ‘සංහිදියා‘ කියුම් කෙරුම් ගැන කෝට්ටේ මහා සංඝ සභාවෙන් දැඩි අප්‍රසාදය !

හිටපු ජනාධිපතිනී චන්ද්‍රිකා කුමාරණතුංග මහත්මිය ශ්‍රී ලාංකික සිංහල බෞද්ධ අනන්‍යතාවය සම්බන්ධයෙන් ඉදිරිපත් කරන සාවද්‍ය ප්‍රකාශ තරයේ ප්‍රතික්ෂේප කරන බව කෝට්ටේ ශ්‍රී කල්‍යාණී ධර්ම මහා සංඝ සභාව පවසයි.

උද්ගතව ඇති ජාතික හා ආගමික ගැටළු විසදාගැනීම සම්බන්ධයෙන් කෝට්ටේ ශ්‍රී කල්‍යාණී ධර්ම මහා සංඝ සභාවේ මහා නායක අති පූජ්‍ය ඉත්තෑපාන ධම්මාලංකාර නාහිමියන්ගේ අත්සනින් යුතුව ජනාධිපතිවරයා වෙත ඉදිරිපත් කළ විශේෂ යෝජනා මාලාවෙහි මෙම කරුණු දක්වා ඇත.

මෙතෙක් ශ්‍රී ලංකා සමාජයේ නොවූ විරූ තරමට හේතු රහිතව බෞද්ධ භික්ෂූන් විවේචනය කිරීමටත්, භික්ෂූන්ට චෝදනා එල්ල කිරීමටත්, සංඝ මූලස්ථානවලට අපහාස කිරීමටත්, ශාසනික දේපොළ ජනසතු කරගැනීමටත්, අන්තවාදී සංවිධාන හා ඇතැම් දේශපාලන නායකයන් විසින් අනුගමනය කරන ක්‍රියාමාර්ගද, විශේෂයෙන් හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මැතිනිය විසින් ශ්‍රී ලාංකික බෞද්ධ අනන්‍යතාව සම්බන්ධයෙන් ඉදිරිපත් කරන සාවද්‍ය ප්‍රකාශයන්ද අපි දැඩි සේ ප්‍රතික්‍ෂේප කරන බවත්, එම ක්‍රියාකලාපයන් පෞද්ගලික අරමුණු ඉටු කරගැනීම්වස් ඉදිරිපත් කරන අදහස් මිස පොදු සමාජ සුභසිද්ධිය අපේක්ෂාවෙන් සිදුකරන ඒවා නොවන බව සංඝ සභාව අවධාරණය කරයි.

කෝට්ටේ ශ්‍රී කල්‍යාණී ධර්ම මහා සංඝ සභාවේ නිවේදනය