ජනපති මැදුරෙන් ටොන් 20ක් බර ඓතිහාසික වස්තුවක් අතුරුදන්

ජනාධිපති මන්දිරය පිහිටි ගෝර්ඩන් උද්‍යානයේ ටොන් 20ක් බරැති ගල්කුළක සටහන් කර තිබූ පෘතුගීසි රාජ්‍ය ලාංජනය අතුරුදන් වී ඇත.

ක්‍රි.ව. 1505දි ප්‍රථම වරට මෙරටට පැමිණි ලොරැන්සෝ ද අල්මේදා ප්‍රමු පෘතුගීසි නාවිකයන් පිරිස විසින් කොළඹ කොටුවේ ගල් බොක්ක (Gallbuck) නම් ස්ථානයේ ගල්කුළක ඔවුන්ගේ ආගමනය සිහිවීම පිණිස මේ ලාංජනය කොටා තිබිණි.

ශ්‍රී ලංකාවේ යටත් විජිත සමයේ ආරම්භයේ සටහන් කෙරෙන මේ ස්මාරකය මිල කළ නොහැකි පුරා වස්තුවකි.

ඉංග්‍රීසින් විසින් එම ලාංජනය සහිත ගල ගෝර්ඩන් උද්‍යානයේ තැන්පත් කරන ලදුව මේ දක්වා ආරක්ෂිතව පැවැතිණි.

පුරාවිද්‍යා ආඥාපනත යටතේ ආරක්ෂිත ස්මාරකයක් ලෙස ලේඛනගතව තිබූ මේ ලාංජනය දැඩි ආරක්ෂිත කලාපයක තිබී අතුරුදන් වීමද අභිරහසකි.

ජනාධිපති මෛත්‍රීපාල සිරිසේන මහතා විසින් ජනාධිපති මන්දිරය මහජන ප්‍රදර්ශනයට පසුගිය 5 වැනිදා විවෘත කළ අවස්ථාවේ මේ ස්මාරකය දැනට එම පරිශ්‍රෙය් නැති බව පැහැදිලි විය.

 

උදේනි සමන්කුමාර

උපුටා ගැනීම මව්බිම පුවත්පතෙන්

 

vlcsnap-2016-06-10-16h07m37s941 vlcsnap-2016-06-10-16h07m52s162 vlcsnap-2016-06-10-16h07m59s639 vlcsnap-2016-06-10-16h08m19s119 vlcsnap-2016-06-10-16h08m33s904